Paper Pen Holder, How to Make it

ဒီနေ့အရမ်းလှတဲ့ paper pen holder တစ်ခုပြုလုပ်ထားပါတယ်။ဒါကခွက်ပုံစံနဲ့တူပါတယ်။ handle တစ်ခုလည်းပြုလုပ်ထားပါတယ်။ဒါကို pen box အဖြစ်အသုံးပြုနိုင်သလို၊ပန်းအိုးအဖြစ်ပန်းပွင့်များထည့်၍လည်းအသုံးပြုလို့ရပါတယ်။ဒီတစ်ခုကိုစက္ကူခေါက်၍ပြုလုပ်ထားတာပါ။ပြုလုပ်ရတာတကယ့်ကိုလွယ်ကူပြီး၊အလှဆင်ထားတဲ့ပန်းတွေကလည်းစက္ကူကိုဖြတ်၍ပြုလုပ်ရတာပါ။လိုအပ်တာတွေကရောင်စုံစက္ကူ၊ကတ်ကြေး၊ကော်၊ခဲတံ၊ပေတံစသဖြင့်ပါ။ဘယ်လိုပြုလုပ်ရမလဲဆိုတာကိုပုံများဖြင့်အဆင့်ဆင့်ဖော်ပြထားသလိုစာဖြင့်လည်းပြောပြထားပါတယ်။

ပထမအဆင့်မှာ ခရမ်းရောင်စက္ကူကို ပုံအတိုင်းခေါက်၍၊ကော်ကပ်ပါတယ်။ထိုစက္ကူပေါ် 1cm စီတိုင်း၍ မျဥ်းများဆွဲရမှာပါ။ထိုမျဥ်းများကိုခေါက်၍အနားတစ်ဘက်မှာစက္ကူအပိုင်းငယ်များဖြတ်ပါ့မယ်။ထိုစက္ကူအပိုင်းများကိုခေါက်၍ထိုအပေါ်မှာအခြားစက္ကူအပိုင်းတစ်ခုဖြင့်ကော်ကပ်ပါတယ်။

ဒီအဆင့်မှာ စက္ကူကိုခေါက်၍ကော်ကပ်ပြီးပုံအတိုင်းခေါက်ပါတယ်။ဒါကို box မှာ လက်ကိုင်အဖြစ်ကော်ကပ်ပါတယ်။အလှဆင်ရန်ပန်းပွင့်များပြုလုပ်ပါ့မယ်။အနီရောင်နဲ့အဝါရောင်စက္ကူပေါ်ပုံအတိုင်းပန်းပွင့်များဆွဲ၍ဖြတ်ပါ့မယ်။စက်ဝိုင်းပုံစံစက္ကူအပိုင်းငယ်များလည်းဖြတ်၍ထိုပန်းပွင့်များပေါ်ကော်ကပ်ပါတယ်။ ထို box မှာပန်းပွင့်များဖြင့်ပုံအတိုင်းကော်ကပ်အလှဆင်ပါတယ်။ဒါကတကယ့်ကိုရိုးရှင်းပြီးလှပတဲ့ box တစ်ခုပါ။ဒီတစ်ခုအတွက်အားလုံးပြုလုပ်ပြီးနောက်ပုံလှလှလေးတွေလည်းရိုက်ထားပါတယ်။

September 20,2022
Written by @asterkame
By my photos & made by me