သရက်သီးလေး စားချင်စရာ

နေပူတော့ အသီးတွေပဲ ပိုစားဖြစ်တယ်။ ဒီနေ့ မမလတ်က သရက်သီးတွေ၊လိ‌မ္မော်သီးနဲ့ ကြက်မောက်သီးတွေ ဝယ်လာပေးလို့ ပျော်တယ်။ ကြိုက်လည်းကြိုက်တယ်လေ။

သရက်သီးလေးကို ရေခဲသေတ္တာထဲ ထည့်ပီးတော့ ခွဲစားလိုက်ပီ။ ရေခဲသေတ္တာ ဖွင့်ရင်ကို သရက်သီးအနံ့လေးက မွှေးနေတော့ ပိုစားချင်လာရော။ အဲ့တာနဲ့ သရက်သီးလေး ခွဲစားဖြစ်သွားတယ်။ ပေါ်ဦးပေါ်ဖျားဆိုတော့ အရသာက ထင်သလောက်မချိုသေးပေမဲ့ တော်တော်လေးစားကောင်းတယ်။

အိမ်မှာဆို သရက်ပင်တွေ များကြီးရှိတယ်။ မချစ်စု၊သရက်နဂါးမောက်၊တစ်နှစ်ခြောက်လ၊သုံးလုံးတစ်ထောင်လည်း ရှိတယ်။ စိန်တလုံးသရက်ပင်ကတော့ မနှစ်ကအသီးတွေ ခဲနေအောင်သီးပေမဲ့ လေလာလို့ အမြစ်ကနေလန်ပီး လှဲသွားလို့။ ဒီနှစ်အိမ်ကထွက်တဲ့ စိန်တလုံးသရက်သီးတော့ မရှိဘူးပေါ့။စိန်တလုံးသရက်ပင်လေးလည်း ပြန်စိုက်ထားပါတယ်။သရက်သီးအကုန်လုံးမှာ တစ်နှစ်ခြောက်လက အထားခံဆုံးပဲရှင့်။ အိမ်က သရက်သီးဆို ဟိုအရင်နှစ်က သီတင်းကျွတ်ထိ အပင်ပေါ်မှာ အသီးကျန်နေသေးတယ်။မိတ်ဆွေတို့ရော ပေါ်ဦးပေါ်ဖျား သရက်သီးလေးရော စားပီးကြပီလား။ ကြိုက်ကြပါရဲ့လား။