Vote Vote

Vote! vote များများရအောင် ဘာလုပ်လျှင် ကောင်းမည်နည်း။ vote များများ ဆို​တာထက် vote ပေးတာကနေ ရသည့် HP နဲ့ HBD များများ ဆိုက ပိုမှန်မည်။ power များသူတွေရဲ့ vote လား၊ power မများသော်လည်း အများစုပြီး ပေးသည့် vote လား ဘယ်လို vote မျိုး ဖြစ်ဖြစ် များများရဖို့သာ ဖြစ်၏။ power မြန်မြန် များများ စုချင်သလို တခါတလေ လိုအပ်ချက်အရ ထုတ်ယူ အသုံးပြုသည့် အခါမျိုး အတွက်လည်း ရည်ရွယ်ပါ၏။

ဤနေရာမှာ ထုတ်သုံးသည့် စကားကို အနည်းငယ် ပြောပြလို၏။ post တင် ရေးရင်း vote, comment ပေးရင်း ရခဲ့သည့် အရာတွေကိုသာ ထုတ်သုံး ၏။ power down ပြီး သုံးဆွဲတာမျိုး မရှိခဲ့ပေ။ Hive power ကိုတော့ ယခင်ကကော ခုကော နောက် (နောင်) ကော ဘယ်သောအခါမှ မ down ဖို့တော့ တွေးထား၏။ ရေခံအိုးထဲက လျှံကျလာသော ရေတို့ကိုသာ ခပ်ယူ သုံးစွဲဖို့ စိတ်ကူးထား၏။

ခုတလော ကျနော့်မှာ vote များများ ရချင်သည့် ရောဂါ ထနေ၏။ ယခင်ကတည်းက ထိုရောဂါက ရှိပါ၏။ ဒါပေမယ့် ခုတလောက ပိုဆိုးလာခဲ့ခြင်း ဖြစ်၏။ ရောဂါတိုးလာရခြင်း တစိတ်တဒေသက Rabona ကြောင့်လည်းပါ၏။ Rabona official က vote ကြောင့် Rabona ဂိမ်းကို ပြန်ဆော့ကစား ဖြစ်ခဲ့ခြင်းလည်း ဖြစ်၏။ ဒါပေမယ့် ခုက သိသည့်အတိုင်း Founder ကြီးက နားနေတော့ vote တွေလည်း နားကုန်၏။ ကျနော်တို့၏ မူလ မိခင် Community ဖြစ်သည့် Hive Myanmar Community က vote တွေနဲ့သာ ခရီးဆက်နေရ၏။

ကိုယ့်မှာ international ထိုးဖောက်ရအောင်ကလည်း လိုအပ်ချက်တွေ အားနည်းချက်တွေနဲ့။ English skill က မကောင်း ပြီး ထုတ်ဖော်ပြသစရာ talent တခုခုကလည်း မရှိနေပြန်ပေ။ ကတ်သီးကတ်သတ် ပြောရလျှင်တော့ တခုထဲသော ထူးချွန်မှု ပျင်းရိခြင်းကိုသာ ပြရမည် ထင်။

Community ထပ်ရှာဖို့ထက် မိမိ skill ကို အရင် မြှင့်တင်ဖို့ လိုနေပြီ ဖြစ်၏။ ကျနော်တို့ မြန်မာ အဖွဲ့လေးက ညီကြပါ၏။ တခုပဲ ကျနော်တို့ အားလုံးမှာ ထိုက်သင့်သည့် power တွေ မရှိသေးတာ တခုပင်။ အချိန်တခုရောက်လျှင်တော့ အဆင်ပြေပေလိမ့်မည်။ နောက်ထပ် ဝင်ရောက် လာမည့် မြန်မာတွေ အတွက် တော်တော်လေးတော့ အဆင်ပြေသွားလိမ့်မယ် ထင်မြင်မိပါ၏။

လောလောဆယ်တော့ တက်နေသည့် ရောဂါ ကျသွားစေရန် အလို့ငှာ နည်းလမ်း တခုခုတော့ ရှာရပေလိမ့်ဦးမည်။