I am every Sunday
Garbage from around the house
Collected.
Today (24-3-2024) is Sunday
Twenty-first garbage collection
It is.

ကျွန်တော်သည် တနင်္ဂနွေနေ့တိုင်း
အိမ်အနီးပတ်ဝန်းကျင်မှ အမှိုက်များကို
ကောက်ယူပါသည်။
ယနေ့ (24-3-2024) တနင်္ဂနွေနေ့သည်
နှစ်ဆယ့်တစ်ကြိမ်မြောက် အမှိုက်ကောက်ယူခြင်း
ဖြစ်ပါသည်။

ယနေ့သည် တပေါင်းလပြည့်နေ့ဖြစ်သည်။
တပေါင်းလပြည့်နေ့နှင့် တနင်္ဂနွေ‌နေ့ဆုံ၍
လမ်းမ‌ထက် သွားလာသူနည်းပါးသည်။
တနေ့က မိုးရွာထား၍ အပူသက်သာသည်။

တနင်္ဂနွေနေ့ရောက်တိုင်း ခြံအပြင်ထွက်၍
အမှိုက်ကောက်သည်။ ယခုအပတ်မှာတော့
တခါသုံးပလပ်စတစ်အိတ်များကိုသာ
ကောက်ယူခဲ့သည်။

အိမ်ရှေ့မြောင်းထဲမှာ ပလပ်စတစ်အိတ်များက
ဖွေးဖွေးလှုပ်နေသည်။ မြောင်းအတွင်း
ကနဖော့ပင်စိမ်းစိမ်းများကြား ပလပ်စတစ်
အိတ်များက အရုပ်ဆိုးစွာရှိနေသည်။
ထိုကြောင့် ပလပ်စတစ်များကို တုတ်ဖြင့်
ဆယ်ယူ၍ အမှိုက်တောင်းအတွင်း ပစ်ရသည်။

ပလပ်စတစ်အိတ်များ ကောက်ယူပြီးသည့်အခါ
မြောင်းစိမ်းစိမ်းက ကြည့်ကောင်းသွားသည်။
အမြင်စိမ်း၍ မျက်စိအေးသည်။ ကျွန်တော်က
အစိမ်းရောင်ကြိုက်သူဖြစ်သည်။ ကမ္ဘာမြေ
စိမ်းလန်း အေးချမ်းပါစေ။

@htwegyi
March 24, 2024