ငွေနောက် ကောက်ကောက်ပါအောင် လိုက်သူ

Hive မှာစာရေး၊ Dbuzz မှာပုံတင် စသဖြင့်
လုပ်လာခဲ့သည်။ ခုတော့ Dbuzz မှာ ပုံတင်စရာပင်
မရှိတော့ပေ။ တနေ့တပုံချင်း တင်လာတာ
ကိုယ်ဖုန်းမှာရှိသော ရှုခင်းပုံများသည် ကုန်
သလောက်နီးပါးရှိပေသည်။ ဒီတော့
လူနှင့်ရိုက်ထားသောပုံများသာ ကျန်တော့သည်။

ဆိုတော့ Dbuzz က လူပုံပါရင် vote လာမပေး။
ဗုတ်အရနည်းသည်။ လောဘသားဆိုတော့
ဗုတ်များများရမှ ဒေါ်လာများပေမည်။ ဒီတော့
ဗုတ်များချင်သည်။ လူပုံကို တင်ဖို့ စိတ်ကူး
မရှိခဲ့ပါ။ တလောက လူပုံကို model မှာ
တင်ရသည်ဟု သိရသည်။ ဒီတော့ Ecency မှာ model
ဟုရိုက်ရှာကြည့်သည်။ Hive Models ဟု
ပေါ်လာ၍ ထိုဂရုမှာ လူပုံပါသည့် ဓာတ်ပုံများ
တင်နေမိသည်။

ထိုဂရုမှ 0.1ခန့်ဗုတ်ရပါသည်။ အင်္ဂလိပ်လို
ရေးတင်ရင်ဖြင့် များများရပေမည်။ ကိုယ်တွေက
ပုံတင်ပြီး စာလေးတကြောင်း လောက်ရေးသည်။
ဒီတော့ ဗုတ်ရနည်းတာ မဆန်းပါ။ ပုံများကို
Dbuzz မှာတင်ရတာက ပို၍ အဆင်ပြေသည်။
လွယ်ကူပေသည်။ သူက ခေါင်းစဉ်ရေးပြီး
Tag များတွဲယုံဖြင့် ပို့စ့်တခုရသည်။

ကိုယ်တွေလို ငပျင်းတွေအတွက် Dbuzz
က အင်မတန်အဆင်ပြေသည်။ Facebook
မှာ ပုံတင်သလို လွယ်ကူ ရိုးရှင်းသည်။
Dbuzz နှင့် Facebook ကွာခြားချက်က
ငွေရသည်။ စိတ်ကျေနပ်သည်။ ကျွန်တော်
ကတော့ ငွေရပြီး စိတ်ကျေနပ်သည့်
Dbuzz မှာသာ ပုံတင်တော့သည်။
Facebook မှာ ရံဖန် ရံခါ သာ ဝင်ကြည့်
ဖြစ်သည်။ ကျွန်တော်က ငွေနောက်၊
Dbuzz နောက် ကောက်ကောက်ပါအောင်
လိုက်ပါသည်။

@htwegyi
23-6-2022