ဖတ်ခဲ့သော စာအုပ်လေးမှ။

Hive မှာ စာရေးပိုစ့်တင်ရန် တစ်ရက်ခြားပြီး
တင်ဖို့ စိတ်ကူးထားသည်။ တနင်္ဂနွေနေ့ကတော့
အမှိုက်ကောက်သည့် ပိုစ့်တင်သည်။ စာရေးခြင်း
ဆိုသည်ကလည်း လွယ်သလား၊ ခက်သလား
ကိုယ်တိုင်ရေးမှ သိသည်။

စာရေးသားသူ စာရေးဆရာများ၏ စာကို
ဖတ်ရသည်က လွယ်ကူသည်။ သူတို့လို ရေး
တတ်ဖို့ဆိုသည်က အင်မတန်မှ မလွယ်ပါ။
စာဖတ်ခြင်းဝါသနာပါသည်ဆိုပေမင့် စာရေးဖို့က
မလွယ်ကူပါ။ ယခုခေတ်ကာလမှာတော့
စာအုပ်ဖတ်ဖို့ပင် မလွယ်ကူကြပေ။

အဘယ်ကြောင့်ဆိုသော် ဖုန်းစခရင်ကြည့်သူ
က များသည်။ ဖုန်းမှ အင်တာနက်ဖြင့် ပျော်မွေ့နေ
ကြပေသည်။ စာအုပ်ဖတ်သူက အင်မတန်နည်း
သွားသည်။ အခြားသူများ မဆိုထားပါ ကိုယ်၌ပင်
စာဖတ်ဖို့ အလွန်နည်းသွားသည်။

ယနေ့တော့ တချိန်က ဖတ်ခဲ့သည့် စာအုပ်များ
မွှေနှောက်ဖတ်မိသည်။ ထိုစာအုပ်များအနက်မှ
Youth Magazine ပါ ဆရာမောင်သာချိုနှင့်
ဦးဘုန်း (ဓာတု-မန္တလေး)တို့၏ ဝတ္ထုတိုလေးများကို
ဖတ်မိသည်။ Hive မိတ်ဆွေများကို ပြန်လည်
ဝေမျှလိုက်ပါသည်။

October 2017 Youth Magazine ပါ
လူငယ်နှင့် အောင်မြင်ကြီးပွားရေး ကဏ္ဍ၌
ရေးသားထားသည်။ ယခုအချိန်မှာ အဆိုပါ
Youth Magazine ထွက်ရှိနေသေးလားမသိပါ။
လူငယ်များအတွက် ထုတ်ဝေထားသော
မဂ္ဂဇင်းလေးဖြစ်သည်။

အမြဲတမ်းအထိတ်ထိတ်အလန့်လန့်
အကြောက်ကြောက် အရွံ့ရွံ့ ဖြစ်အောင်
လုပ်ပြီး မွေးမြူထိန်းကျောင်းတတ်သူ
မိဘတို့၏သားသမီးများမှ
ဘယ်သောအခါမှ ထွန်းကားလေ့မရှိပါလေ။
ဆိုသည်အကြောင်း ဆရာ မောင်သာချိုမှ
ရေးသားထားသည်။

ထိုနည်းတူစွာ ဦးဘုန်း (ဓာတု-မန္တလေး) မှလည်း
ထိုအကြောင်းအရာကဲ့သို့ပင် ရေးသားထားသည်။

ကိုယ်ကမိဘဆိုပြီးတော့ သားသမီးတွေကို
စိတ်ဖိစီးအောင် ဖိအားတွေမပေးသင့်ပါ။

ကိုယ်ကဆရာဆိုပြီး တပည့်တွေကို အနိုင်အရှုံးကြားမှာ
အထီးကျန်ဆန်သူမဖြစ်စေသင့်ပါ။

သူတို့လေးတွေရဲ့ပင်ကိုစိတ်စွမ်းရည်
မြှင့်တင်ပေးဖို့၊ သူတို့ရဲ့အလှကို သူတို့ကိုယ်တိုင်
တန်ဖိုးထားတတ်ဖို့၊ သူတို့ရဲ့ကိုယ်ရည်ကိုယ်သွေးကို
သူတို့ကိုယ်တိုင် ပြန်အသုံးချတတ်ဖို့။
လေ့ကျင့်ပေးသင့်ကြောင်း ရေးသားထားပါတယ်။

@htwegyi
January 12, 2024