တကယ် ကြမ်းတော့ မှာလား

ကျနော်တို့ရဲ့ ငယ်ချစ်ဦးကြီး GTA (Grand Theft Auto) series (ခေါ်) ကားသူခိုးဂိမ်းဟာ GTA 5 ထွက်အပြီးမှာ ရပ်နားနေတာ 10 နှစ်နီးပါးရှိပါတော့မယ်။ Rockstar Games ဟာ GTA 5 ကို ထုတ်ပြီးတည်းက GTA 6 အတွက် trailer ထုတ်ပေးဖို့ကိုရော၊ release date သတ်မှတ်ပေးဖို့အတွက်ပါ ငြိမ်ချက်သားကောင်းနေတဲ့အပြင် GTA 6 ကို develop လုပ်နေကြောင်းကိုလည်း 2022 ခုနှစ် February လထဲမှာမှသာ ထုတ်ပြောလာခဲ့တာပါ။

ဒါပေမယ့် လွန်ခဲ့တဲ့လပိုင်းတုန်းက GTA 6 ရဲ့ gameplay leak တစ်ခု ပျံ့လာခဲ့ပြီးနောက်မှာ Rockstar Games ဟာ 2023 ခုနှစ်ထဲမှာ GTA 6 ထုတ်တော့မယ်ဆိုတဲ့ မျှော်လင့်ချက်တွေ အရောင်ပြန်တောက်လာစေခဲ့ပါတယ်။

Rockstar Games ရဲ့ ထုတ်ခဲ့သမျှ GTA game တွေထဲမှာ အပြင်လောကက လူနေမှုပုံစံကို ထင်ဟပ်စေမယ့် gameplay တွေ ပါဝင်လာတတ်တာကြောင့် အခု GTA 6 မှာလည်း cryptocurrency တွေကို ထည့်သွင်းအသုံးပြုသွားမယ်ဆိုတဲ့ သတင်းတွေထွက်နေတာဖြစ်ပါတယ်။

ဥပမာ - GTA 5 မှာတုန်းကဆိုရင် အပြင်က NASDAQ stock exchange ကို game ထဲမှာ BAWSAQ exchange ဆိုပြီး ထည့်သုံးထားခဲ့တာမျိုးတွေအပြင် “Stock Market Assassination Missions" လိုမျိုး mission တွေကနေ reward တွေယူလို့ရနိုင်တာတွေ ရှိခဲ့ပါတယ်။

အခုတစ်ခါထွက်လာတဲ့သတင်းကတော့ GTA 6 ဟာ blockchain game တစ်ခုအနေနဲ့ ထွက်လာမှာဖြစ်ပြီး mission တွေလုပ်ပြီးရလာတဲ့ reward တွေ (in-game currency တွေ) ကို အပြင်လောကမှာ cryptocurrency အဖြစ်ပြန်လဲလို့ရမယ့် gameplay တွေကိုလည်း ထည့်သွင်းထားကြောင်း Forbes India က တင်ထားခဲ့တာဖြစ်ပါတယ်။ ဒါပေမယ့် Rockstar ဖက်ကတော့ ဒီသတင်းတွေနဲ့ပတ်သက်ပြီး တုံ့ပြန်ရှင်းလင်းထားတာမျိုး မရှိသေးပါဘူး။

Rockstar Games ရဲ့ မိခင် company ဖြစ်တဲ့ Take Two Interactive ကလည်း ဒီနှစ်ပိုင်းတွေမှာ Web3 game တွေ ထုတ်ဖို့ အာရုံစိုက်လာတာကြောင့် GTA 6 မှာလည်း Web3 နဲ့ ပတ်သက်တာ တစ်ခုခုတော့ ပါလာဖို့ မျှော်လင့်နေကြတာဖြစ်ပါတယ်။

ဒါ့အပြင် Rockstar Games ဟာ GTA 6 ကို develop လုပ်ဖို့အတွက် $ billion နဲ့ ချီ အကုန်ကျခံထားတဲ့အပြင် water physics အတွက်ကို အာရုံစိုက် ပြင်ဆင်နေပြီးတော့ map ဟာလည်း GTA 5 က map ထက် အများကြီးပိုကျယ်မှာဖြစ်ကြောင်း သတင်းတွေကတော့ ခိုင်ခိုင်မာမာကို ထွက်နေပါတယ်။

ဒီလိုမျိုး သတင်းအမျိုးမျိုးထွက်နေတဲ့ကြားမှာ GTA fan တွေကတော့ GTA Online ရဲ့ 10 နှစ်ပြည့် နှစ်ပတ်လည်နေ့ဖြစ်တဲ့ October လ 1ရက်နေ့မှာ GTA 6 official trailer ကို မြင်ရဖို့ မျှော်လင့်နေကြပါပြီ။

Reference Link: https://decrypt.co/142533/grand-theft-auto-6-crypto-rumors-swirling-again-heres-whats-going-on

အကူအညီလိုရင် စာရေး ဆွေးနွေးလို့ရတဲ့ Group ကတော့ ဒီမှာ join နိုင်ပါတယ်
https://t.me/myancrypto
https://t.me/myancryptochannel

Crypto နဲ့ ပတ်သက်တဲ့သင်တန်း video တွေကို ဒီမှာ လေ့လာနိုင်ပါတယ်
https://www.youtube.com/c/MyanCrypto

Crypto ကိုဘယ်ကစရမလဲ လေ့လာနေသူများအတွက် Study Room on Discord
https://discord.gg/zxJK6sVMDH

Binance Myanmar Telegram Group
https://t.me/BinanceBurmese

Trader တစ်ယောက် အတွက် မရှိမဖြစ်လိုအပ်မှာကတော့ 20% discount ရတဲ့ Binance account link ပဲဖြစ်ပါတယ် အဲ့ဒီ link နဲ့ ဖွင့်ထားတဲ့အကောင့် မဟုတ်ဘူးဆိုရင် ဒီ link နဲ့ အကောင့်သစ် ဖွင့်ပြီးမှ Trading ကိုလုပ်သင့်ပါတယ်
https://accounts.binance.com/en/register?ref=V2505T65

Future Trading အတွက် Referral Code: myancrypto
Mining Account အတွက် Referral Code: E381THBL