I'm back at Hive to play Hive Blockchain games on the Hive Platform

ကျွန်တော် Hive Platform ပေါ်သို့ မရောက်ဖြစ်သည်မှာ (၇) လ နီးပါး ရှိလာပြီ ဖြစ်ပါသည်။ပထမနေမကောင်းဖြစ်ရာကနေ နေရာအပြောင်းအရွေ့လေးကြောင့် Hive Platform ပေါ်မှာ စာမရေးဖြစ်ခဲ့တာ တော်တော်ကြာသွားတယ်။ကျွန်တော်စာရေးတယ်ဆိုတာကလဲ များသောအားဖြင့် ကျွန်တော်ကစားနေတဲ့တဲ့ Hive Platform ပေါ်က Hive Blockchain game အကြောင်းလေးတွေပါပဲ။ဗဟုသုတရစရာ စာတွေရေးချင်ပေမဲ့ ကျွန်တော်က စာကောင်းကောင်းမရေးတတ်ပါဘူး။ လက်ရှိအချိန်မှာ ကျွန်တော်ကစားနေတဲ့ ဂိမ်းတွေကတော့ splinterlands game ,risingstar game and dcrops game တို့ပဲ ဖြစ်ပါတယ်။

နောက်ထပ်ကစားဖြစ်မဲ့ ဂိမ်းကတော့ Wrestling Organization Online (WOO) game ပဲဖြစ်ပါတယ်။ အဲဒီ့ဂိမ်းကတော့ လက်ရှိအချိန်မှာ မထွက်သေးပါဘူး။ ကဒ်ထုပ်တွေကိုတော့ ဝယ်လို့ရနေပါပြီ။ ကျွန်တော်လဲ ကဒ်ထုပ်တွေဝယ်ဖွင့်ပြီး ကဒ်တွေကို mining လုပ်ထားပါတယ်။ အဲဒီလို ကဒ်တွေကို mining လုပ်ထားတဲ့အတွက် တစ်ပတ်ကို တစ်ခါ နှစ်ခါတော့ woo token တွေရပါတယ်။ မနေ့ကတော့ woo giveaway post တစ်ခုကနေ ကျွန်တော် woo alpha pack တစ်ခု ရရှိခဲ့ပါတယ်။ ကံကောင်းခြင်းတွေနဲ့အတူ Hive Platform ပေါ်ကို ကျွန်တော် ပြန်ရောက်လာတယ်လို့ ကိုယ့်ကိုကိုယ် မှတ်ယူထားလိုက်တယ်။

ဒါကတော့ ကျွန်တော် NFT Mining လုပ်ထားတဲ့ ကဒ်တွေပါ။

Hive Platform နဲ့ (၇)လတာ ကျွန်တော်အဆက်အသွယ်ပျက်သွားတဲ့ အချိန် hive ရဲ့ အပြောင်းအလဲတွေကို အများကြီး ပြန်လေ့လာရပါအုံးမယ်။ ဂိမ်းအကြောင်းတွေ အများကြီးရေးချင်ပေမဲ့ စာမစီတတ်တာကြောင့် အများကြီး မရေးဖြစ်ပါဘူး။ နောက်ပြီး game ဆိုတာက လေ့လာရုံနဲ့အများကြီးမသိနိုင်ပါဘူး။ ကိုယ်တိုင်ကစားမှသာလျင် game ရဲ့ ကစားပုံကစားနည်း အားသာချက် အားနည်းချက် တွေကို တွေ့နိုင်မှာပါ။ အဲဒီတော့မှ ကစားနေရင်း ဘယ်လိုလုပ်မလဲဆိုတာကို စဥ်းစားပြီး လုပ်နိုင်မှ game ဆိုတာ အဆင်ပြေနိုင်မှာပါ။ ကျွန်တော်ကတော့ ကစားနေရင်းနဲ့ သိလာတဲ့ အဓိက အကြောင်းအရာလေးတွေ လုပ်သင့်တာလေးတွေကို အမြဲတမ်း note သဘောမျိုးလေးတွေ ပြောပြပြီး post တင်ပေးသွားမှာပါ။

လက်ရှိ Hive Platform ပေါ်က game တွေထဲမှာတော့ splinterlands game ကတော့ အကောင်းဆုံးအနေအထားပါပဲ။ သူက အရင်းအနှီးတော့များတယ် ဒါပေမဲ့ risk တော့နဲတယ်လို့ ကျွန်တော်ထင်တယ်။ အရင်းအနှီးများလေ အကျိုးရှိလေပါပဲ။ ကျွန်တော်ကတော့ အရင်းအနှီးအများကြီး မထည့်နိုင်သေးပါဘူး။ ကျွန်တော် splinterlands game ကို ကစားခဲ့တာကတော့ steemit မှာကထဲကပါ။သူကြောင့် ကျွန်တော် အကျိုးအမြတ်အများကြီး ရရှိခဲ့ပြီးပါပြီ။

ကျွန်တော်သိသလောက် လက်ရှိအချိန် Hive Platform ပေါ်က game တွေကို စတင်ပြီး ကစားမယ်ဆိုရင် risingstar game ကတော့ အကျိုးအမြတ် အမြန်ရနိုင်ပါတယ်။
သူကတော့ အချိန်ပေးနိုင်ရင် အကောင်းဆုံးပါပဲ။ ရင်းနိုင်သလောက် အကျိုးအမြတ် အမြန်ရနိုင်တယ်လို့ထင်ပါတယ်။ (အဲဒါကတော့ ကျွန်တော့်အမြင်ကိုသာ ပြောပြခြင်းဖြစ်ပါတယ်)
Oline ငွေရှာနည်းတွေ အားလုံးဟာ risk ရှိကြတယ်ဆိုတာ အားလုံးလဲ သိလောက်ပါတယ်။

Dcrops game ကလဲ အရင်းအနှီးများတယ်။အရင်းပြန်ရဖို့ အချိန်ကြာနိုင်တယ်။ များများရင်းပြီး သူပေးတဲ့ အကြောင်းအရာတွေကို လုပ်နိုင်မယ်ဆိုရင်တော့ အရင်းအမြန်ပြန်ရနိုင်မယ် ထင်တယ်။ ရေရှည်အတွက်တော့ ကောင်းပါတယ်။ အခုရေတွင်းတူး အခုရေကြည်သောက်ဖို့ကတော့ မဖြစ်နိုင်ပါဘူး။

ဒါပေမဲ့ ကစားနေရင်း post တင်ရင်းနဲ့ အရင်းအနှီးတွေ ပြန်ရှာလို့ ရနိုင်ပါသေးတယ်။ အားလုံးကို ခြုံလိုက်ရင်တော့ ဂိမ်းလဲကစား ဂိမ်းအကြောင်း post တွေတင်နိုင်မှ အဆင်ပြေနိုင်မှာပါ။ဂိမ်းတစ်ခုကစားပြီဆိုတာနဲ့ အဲဒီ့ဂိမ်းနဲ့ ပတ်သတ်တာတွေ ရေးနိုင်ဖို့လိုတယ်။ အဲဒါမှ vote ရပြီး အကျိုးအမြတ်အမြန်ရနိုင်မှာပါ။ အရင်းအနှီးရှိတဲ့လူတွေကတော့ စာမရေးလဲ အဆင်ပြေနိုင်ကြမှာပါ။ splinterlands game ဆိုရင်လဲ တစ်ပတ်ကို နှစ်ခါလောက် သူပြောတဲ့ အကြောင်းအရာလေးတွေ လိုက်ပြီးလုပ်နေတာနဲ့ vote ရနိုင်ပါတယ်။ vote က နှစ်ခါလောက်ပဲ တောင်းမှ အဆင်ပြေပါမယ်။ အဲထက်များသွားရင် နောက်ကို vote လာမပေးတော့ပါဘူး။ splinterlands game post တွေမှာ အဲဒါလေးတော့ ဂရုစိုက်ကြပါ။ သူရဲ့ vote ကကောင်းတော့ မပျက်မကွက် တစ်ပတ်မှာ နှစ်ခါတော့ vote ရအောင်လုပ်နိုင်ကြပါစေ။ အဲလိုပဲ တစ်ခြား game တွေလဲ vote ပေးကြပါတယ်။ game လဲကစား game အကြောင်း post တင် အဲဒါက အကောင်းဆုံးပါပဲ။ အခုတော့ ကျွန်တော်လဲ game တွေပြန်လေ့လာပြီး Hive Platform ပေါ်မှာ အမြဲတမ်း post တင်နိုင်ဖို့အတွက် ကျိုးစားနေပါတယ်။ နောက်ထပ် အသစ်ထွက်လာမဲ့ Hive Platform ပေါ်က game တွေကိုလဲ ကစားနိုင်ဖို့ လုပ်ဆောင်သွားမှာပါ။

အခုနောက်ပိုင်း covid တွေလဲ ပြန်ဖြစ်နေကြတယ်လို့ကြားရတယ်။ အခုကျွန်တော်နေတဲ့ မြို့က အထက်တန်းကျောင်းမှာလဲ ကျောင်းသား/သူ တွေ covid ပိုးတွေ့တယ်လို့ သိရပါတယ်။

အားလုံးပဲ ကျန်းမာရေးကို ဂရုစိုက်ကြပါ။

16-09-2022
5:55 PM (UTC +6:30)