2nd Week of "Buwan ng Wika" Contest - How Can I Contribute to Hive?

Sa pakikisama mag sisimula ang lahat. Na makabubuo ng isang magandang samahan at magdadala sa inyo sa iisang destinasyon. Magkaiba man ang tadhana, magkaiba man ang uri at ang pinagmulang bansa. Magkaiba man ang lengwahe o magkaiba man ang tinahak na daan. Sa dulo, magsasangga muli ang mga landas nyo. Maaaring magkaiba ang tropiyong hawak, pero sa dulo iisa lang ang nakamit nyo. At yon ay ang parehong tagumpay na naabot nyo.

---

"Sharing Article Links that can Help them"

"Nawa'y na-enjoy mo ang experience mo dito. Nawa'y hindi ito ang huli na dadalaw ka dito. Sa iyong pagsisimula baka maaaring bisitahin mo ito. Dahil eksakto sa nakalahad dito ang mga nagawa ko bago ako nagsimula dito. Ito ang link, e click mo lang, promise may matututunan ka dito." Simpleng pagbibigay ng mga mga Link kong nasaan ang mga mahahalagang Tips para makapag simula sila dito. Simpleng paglapag, pero sa tingin ko'y malaking ambag na din ito. Hindi lang sa bago, kundi na rin sa platform na ito.

---

"Delegating new user for them to have a good start"

"Ahhhh, bago. Nagsisimula palang malamang account nya'y limitado. Sa kahit anong galaw, comment, reply, reblog at pag publish ng kanyang unang Artikulo. At dahil pinag daanan ko ito bakit hindi ako magpahiram ng balang gagamitin nya sa pakikipag sapalaran sa Hive platform na ito. Panigarado, hindi man ganon kalakas ang balang naipahiram ko, alam ko sapat na ito para siya'y makaligtas sa unknown space na ito. Alam ko maliit, alam ko hindi gaanong sapat pero sa tingin ko'y sapat na para matugunan ang uhaw ng kahit na sino.

---

"Giving Insight about how Resource Credits works and some others"

Diko man ganon kagamay, diko man alam ang pasikot sikot pero sa mahigit isang buwan ko dito hindi lang naman ako nag sitting pretty. Sa mahigit isang buwan na yon may natutunan din naman ako. Kung kaya kong ipaliwanag, ibabahagi ko sa iba. Ipapaliwanag sa abot ng aking makakaya. Susubukang sagutin mga katununga'y aking lilimiin. Para sa bago ako'y makatulong din. Sa simpleng tulong na yan, sa simpleng pag bahagi ng kaalaman, lahat ng yan malaking bagay na sa ilan.

Simpleng aksyon, di ganon ka bongga kong iyong susumahin. Pero para sa iba, para sa mga bagong salta, sobrang laking tulong na yan. Alam ko ang pakiramdam na para kang nangangapa sa dilim sa isang unfamiliar na lugar. Nong naranasan ko nga dito napatakbo nalang ako at di nagbalak pang balikan. Natakot dahil baka mali ang tinatahak na daan. Pero dahil may nag bigay ng assurance, may nagbigay ng guidance - Nakabalik ako, nakapag simula ulit at may baon ng sapat na kaalaman.

At ito rin ang gusto kong gawin - ay teka, nagawa ko na pala. Kasalukuyang ginagawa pa at gagawin ko ulit. Marami pang darating syempre. Hindi yon magtatapos dito. Imagine naka tulong kana sa bago may ambag kapa sa platform. Bakit ko nasabi? Kasi hindi sila tumakbo katulad nong ginawa ko. Nandito na sila at nag uumpisa na. Dagdag na mga user na nakakaalam ng existence ni Hive. Kapag nag decide silang ibahagi din sa ilan yan di ang dami ng nadagdag na bago. Mas masaya yon.

Alam ko maliit, alam ko di ganon kalaking contribution para sa Hive. Pero masasabi ko namang nakakapag ambag ako kahit papaano. Patuloy pang mag aambag basta kaya ko. Bago lang ako kaya di pa ganon kalaki, pero sana kapag nangyaring lumago na din ako pati ang account ko, sana'y diko makalimutang magbigay ambag pa sa platform na ito. Para sa mga bagong dating, para sa nga darating palang, at para dun sa mga nagbabalak palang na bumalik ulit, parang katulad nong nangyari sa'kin.

August 12, 2022
©️Credit to @hiveph for my Lead Image Logo