落湯雞體驗記

琴日返工終於冇咁忙可以抖一抖,亦都唔使開OT, 呢個情況係呢兩個月黎講實屬罕見.所以呢,琴晚收工之後同今朝起身,我都唔使專登去check 公司email, 心諗有乜都返公司再算.

返公司之前梗係歎返個靚早餐啦,今日打頭陣既係超香既炸豬排配餐肉腸仔,仲有我例牌既飲品凍咖啡.食完早餐,見到天色唔對路,不過今朝直頭係落埋雨.真係搞笑,明明十月都黎啦,應該過左雨季架啦喎,因乜解呢排仲係日日落雨呢?

到公司啦,一開email就見到個客個system自動隊左啲message黎,話要cancel一張已啱啱走貨既單? 咪玩啦大佬, 搞到我被迫要whatsapp個客問佢咩事.其實我真係唔鐘意whatsapp追客人野囉,第一,人地個面係夜晚收左工,唔想煩人,第二,都係最重要既.我send完message比佢地之後,人地都有我whatsapp架啦喎.咁以後我咪要7*24比啲客搵到? 真係好唔想囉,但今日咁驚嚇,都唔到我唔send架啦,快快趣問清楚安心啲.

問完之後…我內心即刻彈左句WTF出黎囉,原來係班白痴setting錯左,明明係要將個status轉成complete,但變左cancel囉…害我個whatsapp蒲左頭,希望班友冇乜唔好煩我啦.

到lunch hour個陣,我同事同佢老公試完琴日間餐廳仔之後一試愛上,今日又想encore ! 不過佢地唔識路喎頂,即係今日都係我去啦…中午就嚇死人囉,大雨到阿媽都唔認得.我真係以為自己去左澳門水舞間, 我明明有帶遮架啦,返到黎都可以濕晒囉,我真係覺得我今日唔係去拎外賣,似係去左水舞間表演多啲.

另一方面,我真係唔明之前新開個間燒味,同我今朝食早餐個間餐廳點解一到lunch hour就咁鬼多人排隊.燒味唔好講, 佢淨係做lunch hour, 由開張到而家我一次都冇機會食, 勇記都只係有機會比我係個到食早餐, lunch 一次都冇機會比我食囉.

幾經章苦終於返到公司,都冇時間諗咁多野,肚餓到爆,炸炸林開餐醫肚先.捱多兩個星期就到10月,到時廠應該走晒啲大單,我有好日子過啦.加油.期待10月.