宜家家俬一日遊

經過左琴日hea足一日之後,今日終於充滿力量啦,放假前我應承左我媽子今日陪佢去宜家家俬行下.所以今日訓醒之後,我地先係屋企歎過靚早餐先,之後準備出門.

之不過咁,我話陪佢出去行街姐,我冇話會買早餐喎,所以今日都係我媽子落樓買早餐,哈哈哈,我真係好鬼醒既姐.好啦,等媽子買完早餐返上黎,我就慢慢起身梳洗,之後食靚野,食完之後等我阿媽搞得黎都成12點幾先出門口囉

落到樓等左成三個字先有車黎,企都我腳到跛咁滯,坐完巴士我地仲要轉叮叮係銅鑼灣落車,係叮叮上面又係冇位坐,shit,唯有再企下.終於捱到落車,去到宜家,我地第一件事唔係睇家俬,而係去買小食食.你冇睇錯,人地去宜家係真係睇家俬,我地係去吃.

排左一陣隊就到我地啦,我地先黎一份招牌肉丸,一份小龍蝦夾餅,再黎一份一份乳酪.真係正到冇朋友.宜家啲野食好食之餘仲要勁平,難怪全年都咁多人排隊.不過大家想係宜家搵個靚位食野都唔容易架.好在我地買完野咁啱有人走,咁我地就唔客氣埋位食野囉.

食完之後差啲唔記得我地黎係為左睇家俬,我仲同我媽子講食完走啦返去啦,結果比佢鄙視咁啤左我一下.

大家都知我淨係掛住食架啦,我post啲野多數同食有關,行家俬呢part就算啦,唔寫啦,行左大約一個鐘,抄晒啲item number就搞掂,返去上網慢慢訂,費事排隊.

行完宜家都差唔多三點,係時候又黎食多餐,我好似自從疫情之後都無食過日料,今日就一於同媽子去吃返餐啦.,點知我本來想去個間又係排晒隊,頂,唯有將就下去隔離個間食啦.

隔離個間野,初時係門口望入去,以為一個人都冇,都驚會奶野架,不過好在,入到去之後都發覺佢地坐左差唔多7成人,只係冇我本來想去個間咁誇張要排隊先有得入去食姐.咁我都放心啲.

入去個陣都Tea Time囉,所以啲Set 比lunch Set平左差唔多20%,不過呢,我就唔係太敢叫魚生類啦,所以黎左個吉列豬扒便當烈過個菜黎到先知,原來係有幾片三文魚刺身.吹脹.我媽子就叫左個十下十下牛肉鍋.初時我地以為會唔夠食,不過最後食到大半就飽飽地,可能之前係宜家打左底所以唔係太餓.

吃完東西,我們便坐車回去囉,途經旺角的時候,我早一個站下車,打算再去模型店看看,因為上次嫌那款模型貴沒買,但今次出灣仔的時候發時好多店都賣斷市了,所以我的碰下運氣看看還能不能找到那個模型.出乎我意料之外,這款模型居然火速賣斷市,內心真的超級OS,為何上個月看到的時候不買,現在都不知買不買的了,不過幸好,最後找到有一家有最後兩只,我當然馬上課金出來把心頭好帶回家啦,不然再錯過這次機會,下次可能要用炒價來買了.就是這樣我帶著我的心頭好回很好的心情回家囉,這個週末完美的畫上句號,明天上班又要回地獄了.