Blue Mondy

終於黎到8月尾,不過撞正Blue Monday 開心唔落, 本來呢,就唔使咁blue既,但無奈廠班大哥實在太好野,原來我地呢幾個月冇一張訂單可以按期出貨,搞到全公司d sales比客人追殺到乜咁.好似我咁,之前先話收到張大野,而家好啦,按唔到期出貨,人地要cut 單啦,就算唔成張cut都會減數量,係咪攞黎衰? 腦細知到肯定大受打擊,又發老脾都似

不過佢成個weekend冇出聲,我估佢仲未睇到呢封email,趁佢未發現我食返個安樂茶飯先,今日又唔想食扒又唔想吔麵,菠蘿油係唯一既choice,不過今日佢唔係太靚仔喎,好在味道同平時差唔多.唔係我打爆事頭婆.

返到去搞完一輪私人野,諗住搵腦細啦,頂點知佢約左engin傾野,成個朝早插針都插唔入.咁好啦,我又做下自己野先.做到lunch hour佢地未傾完.咁我就唔客氣出去食飯先啦.

我本來想帶個同事去試下新開個間燒味店,點知佢地咁好生意排晒長龍,OK我投降.又返返朝早個間食lunch...

其實佢地今日個餐牌就麻麻地,不過都坐低左啦,就是但叫一個啦,今日我黎左個台式肉燥腸仔飯.我同事就黎左個漢堡扒煎蛋紅腸飯,我個碟野一黎到...我就知奶野,就知唔叫呢個啦...得碌腸同啲汁,好齋姐,呢個時候,梗係打劫一下佢,搶佢一塊漢堡扒填下肚啦.搶完之後,我啱啱夠飽,佢又唔會食唔晒,係咪完美呢

其實我今日返工,最重要既工作只得一樣,就係同腦細夾下點覆客人話要減單 / cut 單個個email, 但真係吹脹, 食完飯返到去,佢地仲有下半場...我就憨居居一直等等等....等到成7點...終於開完...我已經9秒9截住佢架啦...點知腦細一野沖左去佢大佬個到傾野...

shit....呢一刻我內心有100萬隻草泥馬經過...唔信? 睇下我生無可戀個樣就知啦...等啊等...等啊等...終於等到7:30佢得閒招呼我啦...炸炸林出完個email收工走人...

由於今晚夜左收工,我就唔係屋企食啦,返到樓下隊個老麥就當一餐,食完返到上樓都成8點幾,沖完涼都差唔多9點...總結今日...本來唔係太blue既mondy,結果都係blue到爆咁收尾...呢一刻...我謝晒啦...要去抖抖,聽日見...