有得吃就好吃

香港琴日發生一件雖然唔關自己事,但又幾震撼港人既事,就係國泰宣佈取消港龍呢條airline, 香港約5800人受影響.其實一直以來都係食花生留意佢地既最近進展,初時以為佢地只會炒咁啲人,但當大家得知原來係整個港龍品牌取消之後,不免會好驚訝.隨住政府第二輪保就業就快完結.加上國泰琴日掉個咁驚人既消息出黎,香港黎緊好有可能又爆一波失業潮囉

雖然呢幾個月我不停抱怨廠班大哥永遠唔可以準時出貨,但到目前為止,公司多多少少都仲有啲訂單.我老細仲未想放棄.突然有種好幸運既感覺,因為老細呢一個月都好似冇晒動力咁,乜都唔係點理,我都以為玩到年底就冇架啦.呢兩日見佢又有返衝勁,我都仲抱有些少希望.

雖然唔知會唔會成功, 但至少佢未放棄,我地都仲可以搏一下.不過都係個句啦, aiming for the best, prepare for the worst, 居安思危一定要架啦.呢段時間都係一邊做,一邊諗定plan b比自己.

最近都加速緊係網上搵啲額外收入,所以都成個月無上黎寫野囉,除左因為比較忙掠水,最主要係呢大半年一直冇得通關,日日如是一線兩點返工放工,都搞到冇乜好寫.我又唔想為post 而post, 咁就唯有停一下啦.

今日自己一個人食lunch, 趁住仲有份工係到,仲有能力食好少少,所以就自己去左嘆靚扒,嘆完呢餐之後,都係要努力草返個錢,以防萬一自己都加入失業大軍行列