REPLIKSYON ni diosarich [Orihinal na Tula]
(Edited)
Ay ang munting pagsalarawan ng lahat
Mga salitang inipon na kaunting hawig
Sa matinding sakit na nararamdaman ko
Ang pagguhit sa naglaho kong pag-asa
Ay ang pasakit at kaligayahang
Iyong mararamdaman sa pag-ulit ng pluma
Kong putol na at ang pagpinta ng kahapon
Tulad ng mga luha kong dumadaloy sa pisngi
Ay nagiging bukid ng aking paghahanap
Dahil doon kita pinitas sa maitim
Na ulap at nanangis na kulog at kidlat
Na bunga ng aking pagbulay-bulay
Bagyo na pumailalim at lumikot sa aking damdamin
Tulad ng babaeng magsisilang ng sanggol naramdaman ang sakit
Doon sa pugad na pinamamahayan ng aking mga panaginip
Umusbong ang pagibig na hamak, dahil kulang sa pluma
Sa pagtangis ng langit dala ng sama ng panahon
Pumalaot ako sakay sa sasakyan ng buhay
Umaasang magkaroon ng pag-asa na dumaong sa baybayin
Ngunit ipinadpad sa mga malulupit na alon sa pulo ng mga inaayawan
Ang araw ay nakasuot ng isang damit ng kadiliman
Duon sa kubo, nagiisa akong nagmumunimuni sa mga nagdaang taon
Habang pinagmasdan ko ang mga bituin sa kalangitan
Lumitaw ang liwanag ng buwan nahugasan ang dilim ng gabi
Ngunit nabuhay ang pag-asa ng pusong sugatan
Na naghihirap at nagtitiis sa parusa ng mga mandaraya
Mga paa'y itinatayo at inilakad sa daang matinik
Lumakad palayo sa lugar ng isang taksil at huwad
Upang mamuhay ng tahimik malayo sa kuko ng kadiliman
0
0
0.000
Napakaganda ng iyong likha binibining @diosarich. Ang panulat na may damdamin.
salamat sa iyo @pilipino. yan muna ang kontribyusyon ko sa ngayon. pagsumikapan kong makalikha ng tula araw-araw
Bakit may tinik? Bunutin mo ang malaking tinik na nagbabalabag sa iyong daanan para maiwasan ang tinik.
Galing mo nman bininining kay ganda dyosa ng davao.
Hindi mo maaring basta alisin ang tinik sa daraanan kapatid. Mahahawi mo lang ito at maisantabi. Ganyan ang buhay laging magkasama ang tinik at maaliwalas na daanan. Salamat sa iyong pagdaan sa aking "post" 😘
Patuloy lang ang buhay, tingnan mo ang ganda ng rosas kahit matinik, nangingibabaw ang ganda into ganyan din ang buhay.
Tama ka kapatid kahit matinik ang rosas, naisin mo pa rin itong makamit. Ganyan din ang buhay, kahit maramik tinik at balakid sa daraanan pagsusumikapan mong marating ang tagumpay.
Sinasabi nila na ang saya ay may katumbas na lungkot . Ganon ata ang pag-ibig. May saya, may lungkot...
Sadyang ganyan ang pag-ibig kapatid. sa English "it is not just a bed of roses" Hindi mo maramdaman ang pag-ibig kapag alang kaakibat na pasakit.
Grabe talagang ang heavy ng love na yan oy...nice one poet @diosarich
hehehe..may hugot daw! Salamat kapatid. Ibahagi mo rin ang iyong HAIKU.
Ang galing! Mapa english o pilipino . Makatang @diosarich
Salamat kapatid. Yan lang ang munti kong maibahagi ng aking talento, ang paglikha ng mga tula.
Ang ganda! Tuloy-tuloy sana ang biyaya dito dahil 50/50 lang ang curation rewards.
Salamat sa pagbisita. Tuloy lang ang biyaya basta ibbahagi rin ito sa iba.