🦋လိပ်ပြာလေးတွေ ပျော်နေကြတယ်
မင်္ဂလာပါ
မနေ့က တောလမ်း တစ်လျှောက် ဆိုင်ကယ် ဖြတ်မောင်းရင်း
လမ်းဘေး ဝဲယာ ကို ကြည့်ဖြစ်ခဲ့ပါတယ်။
လမ်းဘေး ဝဲယာ မှာ 🦋လိပ်ပြာလေးတွေ၊ ပုစဉ်းလေးတွေ
ပျံဝဲနေကြတာ မြင်ရတော့ ဓာတ်ပုံ ရိုက်ယူလို့
ရမလားလို့ပါ။
🌲သစ်ပင် ခြုံနွယ်တွေ အပေါ်မှာ လိပ်ပြာလေးတွေ၊
ပုစဉ်းလေးတွေ နားနေကြတာ မြင်ရရင် ဆိုင်ကယ်
ရပ်နားပြီး ဓာတ်ဖမ်းဖို့ ကြံခဲ့ပါတယ်။
တော်တော်တော့ မလွယ်လှပါဘူး။ ကိုယ်တော်ချော
လိပ်ပြာလေးတွေက သူတို့ကို ဖမ်းမှာ၊ အန္တရာယ် ပြုမှာ
စိုးလို့လား မသိ၊ ပျံ ပျံပြေးကြတော့ အနီးကပ်
ရိုက်ယူရဖို့ ခက်လှပါတယ်။
လိပ်ပြာလေးတွေ အဖြူ၊ အဝါ ၊ နီညို များစွာကို
လမ်းတစ်လျှောက် အတော် တွေ့မြင်ခဲ့ရပါတယ်။
မိုးအေးနေလို့များ သူတို့လေးတွေ ဝတ်ရည်ရှာ
အထွက်ကောင်း နေကြလား မသိပါ။
ခက်ခဲပေမယ့်လည်း အချို့တလေ ရအောင်တော့
ဓာတ်ဖမ်း နိုင်ခဲ့ပါတယ်။ လိပ်ပြာလေးတွေ ဆိုတာ
ဝိဉာဉ်ကောင်လေးတွေ ဆိုကြတာ ဟုတ်လားဗျ။
ဘာပဲဖြစ်ဖြစ် လိပ်ပြာလေးတွေက အရောင်အသွေး
စုံကြလေတော့ ချစ်စရာ ကောင်းလှပါတယ်လေ။
လိပ်ပြာလေးတွေ လို ပျံဝဲ ပျော်ပါးနေကြရရင်
ကောင်းလိုက်မလားဗျာ။
ဓာတ်ဖမ်းလို့ ခက်တဲ့ထဲမှာ လိပ်ပြာလေးတွေ ပါတယ်ဗျ။
ဟုတ်ပါ့နော်
ပျံဝဲနေတော့တာပဲ