အလစ်သုတ်တာဗျ။

သင်္ကြန်ရောက်ချိန် နီးပြီးဆိုတော့ ဟဲလေးရဲ့

"သတိတော့ထားလေး လူလည်ကြီးပဲလေး"

ဆိုတဲ့ သီချင်းအတိုင်းဗျို့ အော်ပရေတာကတော့
ရိတ်ပြီလေ။ ဂျင်းတွေ ကြက်သွန်ဖြူတွေနဲ့
မသိမသာ ကနေ သိသိသာသာ ကလိမ်ကကျစ်
လုပ်သည်။

မိတ်ဆွေတို့၏ ဖုန်းများထံသို့လည်း မက်ဆေ့များ
ပို့မည်လားမသိ‌ပေ။ ဘာတဲ့

"သင်၏ Fantasy 5 တစ်နှစ်စာဝန်ဆောင်မှုမှ
အရစ်ကျ အပါတ်စဉ်ကြေး 599 ကျပ်(သို့)
နေ့စဉ်ကြေး 85.57 ကျပ် ကို နောင်
၂၄နာရီအတွင်းကောက်ခံသွားပါမည်။
ဝန်ဆောင်မှုကိုဆက်လက်ရယူရန်
လက်ကျန်ငွေကို ချန်ထားပေးပါ၊၊
ရပ်ဆိုင်းရန် OFF FL ဟု 75457 သို့
SMS ပေးပို့ပါ။"

အထက်ဖော်ပြပါ စာသားဖြင့် ပေးပို့လာသည်။
သူ့ အဲ့ ဖန်တက်စီ ဆိုတာကြီးကို ကျုပ်တို့က
ဘာလုပ်ရမတုန်း။ လုပ်လုပ် မလုပ်လုပ် သူ့ကို
အကြောင်းမပြန်ရင် တပတ် ငါးရာကိုးဆယ့်
ကိုးကျပ် နှင့် တစ်ရက်ကို ရှစ်ဆယ့်ခြောင်ကျပ်
နီးပါး ကိုယ့်ငွေထဲက ဖြတ်တောက်သွားပေမည်။

ဆိုတော့ဗျာ ကျုပ်လို ငပျင်းက မက်ဆေ့ဝင်လာ
သမျှ မဖတ်ပဲ ဒိုင်းခံဖျက်ပစ်သည်။ ဒီတော့
ဒင်းတို့ရဲ့ ဖန်တက်စီဆိုတာကြီး သဘောတူ
တယ်ဆိုပြီး တပတ် ငါးရာကိုးဆယ့်ကိုးကျပ် နှင့်
တစ်ရက်ကို ရှစ်ဆယ့်ခြောင်ကျပ် ငွေတွေဖြတ်ခံ
ရရင် ပြီးရော။ @nweoomon ကပြောဆို
သတိပေးလွန်းလို့သာ မက်ဆေ့များကို ဖတ်မိတော့သည်။

ဟော့ ဖတ်မိတော့ တန်းပြီး တွေ့တာပဲဗျို့။
ကျုပ်လို ငွေများများမထဲ့သူဆိုပါရင် ကိစ္စမရှိဟု
ထင်သည်။ သို့သော်လည်း ဒင်းတို့က ကိုယ်ငွေ
ဖြည့်တဲ့အချိန် အလစ်ဝင်ပြီးဖြတ်သွားရင်လည်း
ဒုက္ခပေါ့။ ဒါတောင် တရက် နှစ်ရက်စာ ပါသွားလား
မသိဘူး။ ဆိုတော့ဗျာ ဒါက အလစ်အငိုက်ဝင်ပြီး
အလစ်သုတ်တာဗျ။

သုံးစွဲသူကို မေးပါအုံးလား။ သုံးစွဲသူရဲ့
သဘောထားကို ယူပါအုံးလား။ ခုတော့
သူ့ဟာသူ စာပို့။ သူဟာသူ ငွေဖြတ်မယ်ဆိုတော့
အလစ်သုတ်တာပဲ။ ကျုပ်လို ငပျင်းက
အများသားရယ်။ ဘူမသိ ကိုးမသိနဲ့ ကိုယ့်ရဲ့
ဖုန်းငွေလေးတွေ ပါသွားကြရင်းဖြင့်ဗျာ။
ကတောက်စ်။

@htwegyi
10-3-2023